چئیرمین وائز گروپ جناب طارق شریف  80 کی دہائی میں   آگے بڑھنے کی سعی  اور مزید ترقی کے مواقع کی تلاش میں اپنے وطن کی سرحدوں سے باہر نکلے اور   طویل عرصے تک محنت و لگن کے ساتھ کام کرتے ہوئے ایک سیلف میڈ اوورسیز پاکستانی کاروباری شخصیت کے طور پر دنیا میں اپنا   اور ملک کا نام کمایا۔  دنیا میں ایک نام اور مقام حاصل کرنے کے بعد انہوں نے یہ فیصلہ کیا کہ اب وہ  اپنے  میدان میں حاصل ہونے  والی  خاص قابلیت اور مہارت کو واپس اپنے وطن عزیز کو لوٹاتے ہوئے  یہاں کسی  وسیع  البنیاد منصوبے پر کام کریں۔

جناب طارق شریف سمندر پار پاکستان کمیونٹی کا ایک اب ایک نامور نام بن چکے ہیں۔ وہ  اپنے کاروباری معاملات میں ترقی کے  خواہش مند تو ہیں ہی مگر کمیونٹی کی ویلفئیر کے لیئے بھی بہت  کچھ کرنے کے لیے پرجوش  ہیں۔ اپنی اس جدوجہد ، مستقبل کے ویژن اور ذہنی زرخیزی کی بدولت  اوورسیزپاکستان  فاؤنڈیشن کے بورڈ آف گورنرز کے ممبر رہ چکے ہیں۔ اس کے علاوہ پاکستان  بورڈ آف انویسٹمنٹ  کی جانب سے مختلف ممالک میں  آنریری انویسٹمنٹ کونسلر  کی ذمہ داریاں بھی ادا کرچکے ہیں۔ جناب طارق شریف پاکستان اوورسیز ایسوی ایشن فرانس کے بانی اور سابقہ سربراہ بھی رہ چکے ہیں۔ اس کے علاوہ  پاکستان اٹلی بزنس فورم کے صدر ،  آرٹ اینڈ کلچرل ایسوسی ایشن  موریسئیش اور یونیورسل انٹرفیتھ امن مشن موریسئیش کے چیئرمین  کے طور پر بھی اپنی خدمات سرانجام  دے رہے ہیں۔

ایک  نامور سماجی خدمت گار  کے طور پر  وہ اس وقت مختلف این جی اوز کے فاؤنڈر، ٹرسٹی اور سرپرست  کی ذمہ داریاں بھی بخوبی سرانجام دے رہے ہیں۔ یہ این جی اوز یہاں ضرورت مند اور قابل لوگوں کو طبی ، تعلیمی، ثقافتی  اور کھیلوں کے میدان میں بہترین انداز میں مددفراہم کر رہی ہیں۔ پاکستان میں اپنے تعلیمی ادوار کے  دوران وہ گورنمنٹ کالج سرور شہید گوجرخان کے کالج میگزين کے ایڈیٹر  ہونے کے ساتھ ساتھ وہ کئی  کتابوں  کے مصنف اور مختلف اخباروں اور ویب سائٹس پر کالم اور بلاگز بھی لکھتے رہتے ہیں۔