محفوظ اور روشن مستقبل

جگہ کے انتخاب کی وجہ

گوجر خان خطہ پوٹھوہار کا ایک گنجان آباد علاقہ ہے۔ گوجر خان جہلم اور جڑواں شہر راولپنڈی کے تقریبا وسط میں ہونے کی وجہ سے ایک اہم بڑی تحصیل ہے جو بذریعہ جی ٹی روڈ دونوں اطراف سے منسلک ہے۔ ڈی ایچ اے اسلام آباد سے کوئی آدھا گھنٹہ کی مسافت کی دوری پر یہ جگہ دوسری طرف دینہ، منگلا اور میرپور آزادکشمیر سے جڑی ہوئی ہے۔ یہ سارا خطہ اوورسیز پاکستانی کمیونٹی کا مرکز بھی کہلاتا ہے کیونکہ اوورسیز پاکستانی کمیونٹی کا ایک بہت بڑاحصہ اسی علاقے سے تعلق رکھتا ہے۔ اوورسیز پاکستانی کمیونٹی کا مرکزہونے کے باوجود یہ علاقہ ان کے لیئے ایک اعلی ، جدید اور معیاری سہولیات سے آراستہ کسی رہائشی منصوبے کا حامل نہیں ہے۔ایک ایسا رہائشی منصوبہ جہاں تعلیمی، معاشی، تفریحی اور کھیلوں جیسی صحت مندانہ سرگرمیوں کو تحفظ کے احساس کے ساتھ اہم جانا گیا ہو۔ اس علاقے میں بہترین طبی اور اعلی تعلیمی سہولیات کا ایسا فقدان ہے کہ یہاں کے لوگوں کو اپنے پیاروں کی ان ضروریات کے لیئے راولپنڈی، اسلام آباد یا پھر لاہور کی طرف بھاگنا پڑتا ہے۔ گوجر خان ایک قدیم مگرگنجان آباد تحصیل ہے جہاں کی بڑھتی ہوئی آبادی اب بھی ایک صدی پرانےبازار کی معاشی سرگرمیوں کے ساتھ ملحق تنگ گلیوں کی گزرگاہوں میں رہنے پر مجبور ہے کیونکہ یہاں کوئی متبادل نہیں ہے۔ وائز گروپ نے اس نئے جدید سہولیات کے حامل رہائشی منصوبے کے پہلے فیز کے لیئے ایک ہزار کینال زمین نہ صرف حاصل کر لی ہے بلکہ اس کے گرد باؤنڈری وال کی تعمیر بھی ہو چکی ہے ۔ اس جگہ کو بذریعہ جی ٹی روڈ آسانی کے ساتھ وزٹ کیا جا سکتا ہے۔